كيفاش نخدم فألمانيا بالديبلوم ديال التكوين المهني مباشرة؟
ساهلة 😊، تبع الخطوات 👇
أول حاجة تديرها هي تدير الإعتراف ديال الشهادة ديالك.
الجهة المختصة بهادشي هي:
IHK FOSA (Foreign Skills Approval)
سولتهم على المعادلة ديال ديبلوم التقني المتخصص يوم الجمعة الماضي و جاوبوني فأقل من ساعة، وعطاوني جميع المعلومات و الوثائق لي غنحتاجها.
المضمون ديال الجواب لي رسلو ليا كالتالي:
+ هما كيعطيو الإعتراف لصحاب الديبلومات فمجال التقنيات، الطبخ، التجارة و الخدمات. (إلا عندك شي حاجة من غير هادشي، خاصك تقلب على IHK لي مكلفة بالمجال ديالك)
+ وكيحتاجو الوثائق التالية:
1. Antragsformular
-> إسثمارة طلب الإعتراف، غتلقاها فالرابط 👇
2. Abschlusszeugnis inklusive Fächerliste
+ in beglaubigter Kopie
+ deutsche Übersetzung von öffentlich bestellten oder beeidigten Dolmetschern*
oder Übersetzern*
-> الديبلوم لي باغي تخدم بيه مع لائحة المواد لي درستي، مصادق عليه و مطرجم إلى اللغة الألمانية (إلا باقي مخرجش ليك الديبلوم، رسل ليهم شهادة النجاح راها كافية)
3. Nachweise über einschlägige Berufserfahrung (z.B. Arbeitszeugnisse, Arbeitsbücher)
in einfacher Kopie
deutsche Übersetzung von öffentlich bestellten oder beeidigten Dolmetschern
oder Übersetzern
-> شواهد تدل على الخبرة في المجال، مصادق عليها و مطرجمة (حتى إلا مكانوش عندك، ماشي مشكل، غتاخد الإعتراف الجزئي لي ممكن تخدم بيه فألمانيا و مني تكمل 14 شهر ديال التجربة فالشركة تقدر تدفع للإعتراف الكلي)
4. Sonstige Befähigungsnachweise (z.B. Kurse, Umschulungen, weitere Ausbildungen)
in einfacher Kopie
deutsche Übersetzung von öffentlich bestellten oder beeidigten Dolmetschern
oder Übersetzern
-> إلا عملتي شي درس أو شي ديبلوم أخر أو أي حاجة متعلقة بالمجال لي باغي تخدم فيه، زيدها حتى هي فالملف
5. Identitätsnachweis (z.B. Personalausweis, Reisepass, Namensänderung)
in einfacher Kopie
ergänzend:
-> صورة لجواز السفر
6. Lebenslauf
-> سيرة الذاتية
7. Inhalte der Ausbildung (z.B. Rahmenlehrplan)3
in einfacher Kopie
-> المضمون ديال التكوين لي درتي، شنو قريتي فيه إلخ...
+ هاد الوثائق ممكن ترسلهم فالبريد العادي أو فالبريد الإليكتروني (Email)
+ مني غيتوصلو بالملف ديالك، غيقولو ليك شحال خاص تخلص، عول على 600 أورو.
+ المعادلة ديال الديبلوم ديالك غتطلب تقريبا 3 أشهر منبعد متصيفط ليهم الوثائق و الفلوس.
و مني توصلك المعادلة ديال الديبلوم، و تعلم تدوي بالألمانية (من الأحسن تكون كملتي B1) ، ديك الساعة إمكن ليك تبدى تقلب على خدمة عن طريق مراسلة الشركات بدون وسيط !!!
شرح بالفيديو لجميع الخطوات غتلقاهم فهاد السلسلة
مني تدبر فعقد ديك الساعة، شد موعد الفيزا وسير لألمانيا حقق الأحلام ديالك
إلا تسافدتي من الموضوع داكشي لي بغينا، إلا معندك ديبلوم التكوين متبخلش على صحابك لي عندهم
الله إوفق الجميع